صورة جميلة علقتها
على حيطة رايقة زى السما
اتجمعوا فيها كل الحبايب ..
كانوا مع بعض.. ما عدا أنا
بصيت على الصورة وقلت ليه يا زمن
اتجمعوا كل واحد في مكانه ونسيوني أنا
مع إني حطيت كل شيء في مكانه بكل الهنا
لكن ما عاد لي مكان في وسط كل دا.. ليه كدا
رد برواز صورة قديمة مرمي من زمن
يا ابني هي دي حال الدنيا ليه البــُكا
نعيش ونتعب ونرتب كل شيء حولنا
ونبص فجأة ما نلاقيش مكان لقدم لينا
ضحكت في سري وقلت
بقا هي الدنيا كدا
يا خسارة فرحتي
ياخسارة ضحكتي
يامين ياخدني تاني يرجعلي دنيتي
ليست هناك تعليقات:
إرسال تعليق